COMUNICÁU DE LA PLATAFORMA "PARA LOS PUEBLOS"
Diz el refrán que les pallabres llévales el vientu. Pero pal estáu español, paez qu'unes pallabres pesen más qu'otres. Magar a los y les nacionalistes españoles enllénase-yos la boca falando d'unos supuestos derechos sociales que vienen escritos na constitución española, escaecer de que na práctica, nun son más que papel moyáu col que los gobiernos y empreses privaes pueden faer negocios como quien viende un quilu de mazanes nel mercáu del so pueblu. Sicasí, nesi folletu políticu qu'ellos y elles llamen “Constitución” hai palabres que pesen como unos grilletes, los grilletes del estáu español. Porque lo que consideren “la unidá d'España”, esi malditu encargu que ciertu dictador fascista que del so nome nun queremos nin alcordanos, convirtióse nun mantra que repiten una y otra vegada y col que pretenden xustificar un terrorismu d'estáu cada vez más presente, por desgracia, nos pueblos encarcelaos pol estáu español.
Diz el refrán que les pallabres llévales el vientu. Pero pal estáu español, paez qu'unes pallabres pesen más qu'otres. Magar a los y les nacionalistes españoles enllénase-yos la boca falando d'unos supuestos derechos sociales que vienen escritos na constitución española, escaecer de que na práctica, nun son más que papel moyáu col que los gobiernos y empreses privaes pueden faer negocios como quien viende un quilu de mazanes nel mercáu del so pueblu. Sicasí, nesi folletu políticu qu'ellos y elles llamen “Constitución” hai palabres que pesen como unos grilletes, los grilletes del estáu español. Porque lo que consideren “la unidá d'España”, esi malditu encargu que ciertu dictador fascista que del so nome nun queremos nin alcordanos, convirtióse nun mantra que repiten una y otra vegada y col que pretenden xustificar un terrorismu d'estáu cada vez más presente, por desgracia, nos pueblos encarcelaos pol estáu español.
Dicen que la constitución ye garante de democracia. Nesti momentu ye nel que nos toca entrugar ¿democracia? Si anguaño entendemos la democracia como un xuegu de pelota nel que quienes caltenemos a una clase parásita nun cuntamos pa nada llámenlo democracia. ¿de quien, del pueblu? Non, la participación na vida política nun puede llindase a meter un papel nuna urna cada cuatro años esperando qu'esos y eses “demócrates” se dignen a interesase por nós, si vamos falar del gobiernu del pueblu, tien que ser el pueblu'l protagonista de la vida política. ¿Pal pueblu? Nun nos faigan reir, si pa daquién gobierna güei esi circu que se llama gobiernu ye pa les grandes corporaciones multinacionales apatayando'l derechu de los pueblos a decidir el so futuru llibremente. Poro, non; nun nos interesen nin la democracia española nin la constitución española. Pa lo único que les tenemos en cuenta ye pa nun volver enxamás a dexar que se repita un enxendru políticu de dimensiones imperiales entá güei, a 2016.
Esmoleznos el futuru de los nuesos pueblos y de la nuesa clas, y ye por ello que tenemos bien claro que la constitución española y tolo que representa nun ye sinón una torga que va haber que salvar si queremos garantizar el derechu a una educación digna, de los pueblos y pa los pueblos. D'esta miente, güei, día de la constitución española, nun tenemos absolutamente nada que cellebrar, sinón que más bien, tenemos enforma polo que recordar que la hestoria faenla los pueblos y les constituciones escríbenla los contrabandistes
